Kryetari i Partisë Demokratike Lulzim Basha ka folur për zhvillimet më të fundit politike në vend.
Akuzave të Sali Berishës dhe mbështëtësve të tij para, gjatë dhe pas protestës së 8 janarit se ka komunikim me kryeministrin Edi Rama, ai i është përgjigjur me një mohim në mënyrë kategorike.
Pjesë nga intervista në ABC
Gazetari: Zoti Basha, pse arriti Partia Demokratike në këtë pozitë që t’i krijojë një pozicion kaq komod kryeministrit Rama? Nga njëra anë ju e konsideroni Sali Berishën si “tub oksigjeni” për qeverisjen e Edi Ramës, nga ana tjetër Sali Berisha ju akuzon ju se me Policinë e Edi Ramës po mbroni selinë e Partisë Demokratike. Ju në fakt keni ndonjë komunikim drejtpërdrejtë me kryeministrin?
Basha: Komunikimi im i vetëm është me qytetarët, është me demokratët. Komunikimi i trekëndëshit të Bermudës është i pandërprerë. Gjërat janë të ndara, duhet të kesh sytë e mbyllur, veshët e mbyllura dhe as dy pare mend në kokë, mos ta kuptosh.
