LIGJET E BIZNESIT
Zv/ministri i Infrastrukturës dhe Energjisë, Ilir Bejtja mohoi në A2 Business përballë gazetares Aurora Sulçe, se do të ketë një rritje të tarifave të energjisë elektrike.
Bejtja u shpreh se të gjithë ata që janë të lidhur me rrjetin me tarifë të rregulluar nuk do të kenë rritje, ndërsa për të tjerët ajo do të varet nga lëvizjet e tregut.
“Nga OSHEE nuk është kërkuar rritje e çmimit të energjisë. OSHEE nuk ka pasur tarifa tregu energjie. Ndarja e shpërndarjes më vete është në 2020 dhe ky aplikim për tarifat e shpërndarjes është për herë të parë, pasi duke qenë një operator më vete tani duhet të garantojë akses të barabartë të të gjitha palëve në çdo nivel tensioni. Dhe ky është për herë të parë, aplikimi i tyre për tarifë.
Është kërkuar tarifë më vete për shpërndarjen dhe tarifë më vete për operatorin e furnizimit me energji elektrike. Të gjithë ato që janë të lidhur me rrjetin me tarifë të rregulluar, pra tarifë të vendosur nga Enti Rregullator nuk do të ketë rritje tarife. Të tjerët që vazhdojnë dalin në tregun e parregulluar, tarifa e tyre do të jetë sipas lëvizjeve të tregut. Do të ketë periudha që mund ta kenë më të ulët çmimin, kur ne prodhojmë energji, ashtu që do të ketë periudha që do ta kenë më të lartë”, u shpreh Bejtja./A2
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
