LIGJET E BIZNESIT
Vullkani, Cumbre Vieja, në La Palma në Spanjë, i cili po nxjerr llavë prej 3 muajsh, paraqet shpërthimin më të gjatë në këtë ishull spanjoll, që kur nisi regjistrimi i shpërthimeve të vullkanëve në vitin 1500. Lajmi u njoftua nga ekspertët më 12 dhjetor.
Të dielën, pas disa ditësh të aktivitetit të ulët, vullkani shpërtheu sërish duke nxjerrë tym të zi nga krateri, derisa u shënuan 24 dridhje të tokës për shkak të fuqisë së shpërthimit, shkruan agjencia e lajmeve Reuters.
Vullkani atje, për herë të parë shpërtheu në datën 19 shtator. Që nga ajo kohë rreth 3 mijë objekte janë shkatërruar, ndërsa mijëra njerëz u desh të evakuoheshin.
Megjithatë deri tani askush nuk është lënduar. Shkencëtarët shprehen se shpërthimet e vullkaneve janë të paparashikueshme ndërkaq sipas ekspertëve spanjollë shpërthimi i vullkanit do të mund të zgjaste edhe tre muaj të tjerë.Banorët e ishullit megjithatë duan që çdo gjë të përfundojë dhe të kthehen në shtëpi. “Jemi lodhur. Si një banor lokal mora pak pushim dhe shkova në Madrid që të marr pak ajër të pastër”, tha Juan Ernesto Perez.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
