Policia e Tiranës ka nisur hetimet për të zbardhur vrasjen e ndodhur mbrëmë pas mesnate në kryeqytet ku humbi jetën një 29-vjeçar. Nga informacionet zyrtare, ngjarja ka ndodhur rreth orës 00:20, në rrugën “Irfan Tomini”, ku shtetasi Jurgen Duka (M)., është konfliktuar me një person ende të paidentifikuar.
Personi ende i paidentifikuar ka qëlluar me armë zjarri ku ka mbetur i plagosur shtetasi Jurgen Duka (M)., rreth moshës 29 vjeç. Si pasojë e plagëve, shtetasi Jurgen Duka (M)., ka ndërruar jetë në Spitalin Universitar të Traumës.
Shërbimet e Policisë kanë zbarkuar menjëherë në vendngjarje, dhe Grupi hetimor, nën drejtimin e Prokurorisë ka sekuestruar prova materiale të cilat shërbejnë për të identifikuar autorin e ngjarjes.
Janë marrë në pyetje shoku i viktimës dhe të tjerë persona në vendngjarje. Vijon puna për identifikimin e kapjen e autorit.
