LIGJET E BIZNESIT
Policia e Sarandës, Policia e Vlorës dhe Policia e Lezhës, kanë zhvilluar një operacion për kapjen e dy grabitësve të dhunshëm që kanë vjedhur miliona lekë në një supermarket në Sarandë më 11 dhjetor 20221.
Policia njoftoi se pas një pune të mirëfilltë hetimore, tre policitë organizuan operacionin “Fundviti”, në kuadër të të cilit u vunë në pranga shtetasit E. D(Gj.) 40 vjeç, banues në Tale të Lezhës, i dënuar më parë në Itali për vjedhje dhe dhunë ndaj forcave të policisë si dhe B.C, 37 vjeç, banues në Sarandë.
Sipas policisë se “nga veprimet hetimore dyshohet se këta shtetas, në bashkëpunim me njëri-tjetrin, kanë vjedhur një sasi të konsiderueshme parash, në një supermarket në lagjen nr.4, në Sarandë, më datë 11.12.2021.
Banori i Sarandës, shtetasi me iniciale B. C. ka qenë i punësuar si teknik i kamerave të sigurisë në këtë supermarket dhe nëpërmjet telefonit të tij ka kontrolluar shumën e parave që gjendeshin në ambientet e këtij subjekti.
Në cilësinë e provës materiale janë sekuestruar shumat që ata vodhën: 400.000 lekë, 2500 dollarë, 1000 paund, 2 automjete me të cilat autorët janë larguar pas ngjarjes, 4 telefona celular, 3 pajisje DVR dhe 2 laptop. Dosjet e tyre i kaluan Prokurorisë pranë Gjykatës së Shkallës së Parë Sarandë, për veprime të mëtejshme, për veprën penale “Vjedhja” kryer në bashkëpunim.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
