LIGJET E BIZNESIT
Dënimi i një të riu 19 vjeç me katër vjet burg, për shkak se urinoi në një portret që nderon një veteran rus të Luftës së Dytë Botërore është në disproporcion me krimin që ai kreu, ka thënë shefi i Këshillit të të Drejtave të Njeriut të vendit.
Duke folur për gazetarët, Valery Fadeev tha se “ekuilibri midis ashpërsisë së krimeve dhe dënimit filloi të prishet në procedurat gjyqësore. Duhej t’i kishin dhënë një muaj punë të detyrueshme. Kjo eshte shume.”
Sipas tij, në Rusi ka një “mosbalancim” mes dënimeve për kryerjen e veprimeve të paligjshme. “Ata mund të dënojnë pesë vjet për vrasje dhe katër vjet për urinim në vendin e gabuar,” tha ai.
Javën e kaluar, Matvey Yuferov u dënua me katër vjet burg nga një gjykatë në Moskë pasi u shpall fajtor për “rehabilitimin e nazizmit”. Sipas prokurorisë, natën e 25 nëntorit, i riu i kërkoi mikut të tij që ta regjistronte duke urinuar në një tabelë me foton e Anatoli Frolovit, veteranit të dekoruar të Luftës së Dytë Botërore, më pas e postoi videon në internet.
Yuferov e hoqi shpejt videon pasi u postua, dhe gjithashtu kërkoi falje. Ai u ndalua menjëherë më pas. I riu, i cili studion në Universitetin Shtetëror Rus për Shkenca Humane në kryeqytet, pretendoi se ishte i dehur dhe tha se nuk kishte pikëpamje naziste apo ekstremiste.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Rusia ashpërsoi ligjin për rehabilitim të nazizmit në fillim të këtij viti, menjëherë pasi figura e opozitës Alexey Navalny u gjykua për shpifjen e një ish-ushtari 95-vjeçar të Ushtrisë së Kuqe. Sipas legjislacionit të ri, poshtërimi i dinjitetit ose nderit të veteranëve mund të dënohet deri në pesë vjet burg.
