Urimi i Ramës për Vitin e Ri: Të dalim nga llogoret përçarëse e të afrohemi me flamurin e Skënderbeut

Kryeministri Edi Rama i ka uruar shqiptarëve vitin e ri 2022. Ai e nisi fjalën e tij me një urim të përzemërt për çdo qytetarë, e kërkoi falje për kohën që i shpenzon me fjalime të gjata, e gjithashtu, kërkojë ndjesë edhe për punët e pa realizuara. Rama u shpreh i bindur që do arrijë ta dërgoj Shqipërinë në majë, aty ku të parët tanë kanë dashur që të ishte.

“Të bashkëqytetar dua t’ju uroj shëndet, mbarësi, sa më shumë ëndrra edhe shpresa të përmbushura në vitin e ri që është pas dere. Keni dëgjuar shumë fjalime të gjata nga mua këtë vit. Si këtë vit e tash sa vjet ju kam dalë para pa pushim, në kompjuter, telefon, shpresoj jo dhe në gjumë. Ju kërkoj ndjesë për kohën që kam marrë dhe ju jam mirënjohës për kohën që më keni dhënë. Ju falënderoj sepse vëmendja juaj është nder për mua. Mbi të gjitha më keni besuar këtë vit për 4 vite të tjera drejtimin e vendit. Sinqerisht s’di si do t’ju falënderoj. Sot do ju kërkoj një falje të madhe për çdo qoftë që kam thënë dhe se kam realizuar si duhet.

Besimin tuaj e kam si diçka të shenjtë e do të bëj gjithçka mundem tua shpërblej me mish e me shpirt. Jam i bindur që do e rrisim Shqipërinë në majën që meriton dhe aty ku do të donin ta shihnin të parët tanë. Sa më shumë dalim nga llogoret çarëse e përçarëse e duke u afruar me flamurin e Skënderbeut dhe Ismail Qemalit, aq më shpejt do të ngjitemi si vend në majën e dëshiruar. ju uroj me gjithë zemër një vit të ri me shëndet e mbarësi familjarisht, për të gjithë ju, në të gjithë globin. Nuk jemi shumë, por sa shumë jemi kudo dhe sa shumë mund të bëjmë nëse së bashku ndajmë hallet”, tha Rama.