LIGJET E BIZNESIT
Ish-kryeministri Sali Berisha pasi hyri në selinë e PD, në një konferencë për mediat akuzoi policinë për dhunë ndaj adoleshentëve dhe të moshuarve, të cilët u ndaluan pasi protestuan dje kundër vizitës së presidentit të Serbisë Aleksandër Vuçiç në Tiranë.
Ai tha se deri në orët e vona të natës janë mbajtur në qeli adoleshentë 15-vjeçarë dhe të moshuar 84-vjeçarë duke shtuar se uniformat blu i kanë ketrajtuar ata në furgona dhe makina.
“Dënojmë disa akte brutale të policisë të narkopolicisë, e cila ka arrestuar mbrëmë njerëz të pafajshëm, i ka keqtrajtuar adoleshentët, në furgonat e makinë. Veçanërisht narkobanditët e komisariatit numër 2. Unë jam sot këtu për të paralajmëruar narkopolicinë, se revolucioni ynë paqësor nuk do të tolerojë dhunimin e të drejtave të njeriut dhe keqtrajtimin çnjerëzor të pjesëmarrësve në protesta, apo në lëvizjet revolucionare.
Mbrëmë deri në një të natës, në qeli të komisariateve me urdhër të Ramës janë mbajtur adoleshentë 15 vjeçar, por edhe burra të moshuar 84 vjeçar… Paralajmërimi përfundimtar është mos dhunohet asnjë e drejtë njerëzore”, tha Berisha mes të tjerash.
