LIGJET E BIZNESIT
Një tentativë arratisje ka ndodhur në spitalin e burgut në QSUT.
Protagonist është shtetasi Bledar Selmanaj, i arrestuar për vrasjen e 25-vjeçarit Xhuljano Bullari.
Mësohet se Selmanaj është dërguar mbrëmjen e kaluar në spitalin e burgut në QSUT për tu kuruar, pasi ka tentuar dy herë vetëvrasjen në burgun e Peqinit.
Me tu sjellë në spital, ai ka dëmtuar shufrat e dritareve me hekur, duke prerë katër prej tyre, por është konstatuar nga grupi i sigurisë, të cilët kanë parandaluar arratisjen e tij.
Selmanaj ndodhet nën masën arrest në burg pasi akuzohet për vrasjen e 25-vjeçarit, Xhuliano Bullari.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Ngjarja e rëndë për të cilën akuzohet ai ndodhi në Vlorë më 20 Gusht të këtij viti.
Bullari u gjet i vdekur brenda në një makinë në aksin Vlorë-Babicë. Sipas Policisë, implikimi i Selmanajt në këtë ngjarje të rëndë është provuar përmes ffilmimeve dhe tabulateve telefonike.
Sipas hetimeve, ka qenë ky person që e ka thirrur Bullarin në një takim për t’u sqaruar për një pagesë për një sasi prej 100 kilogramësh kanabis, e cila ishte paguar me para false. Për këtë arsye, Selmanaj i kërkonte viktimës kthimin e pagesës prej 3 mijë Eurosh si një borxh.
Por Bullari e kishte refuzuar kthimin e parave dhe për këtë arsye u qëllua me dy plumba në kokë. Të dy ata ishin njohur në burg.
