LIGJET E BIZNESIT
Pas skandalit të publikimit të pagave të më shumë se 600 mijë shtetasve shqiptarë, ish-drejtoresha e Tatimeve Brisida Shehaj ka reaguar duke bërë një deklaratë të fortë.
Ajo u shpreh gjatë një interviste për MCN, se kjo që ndodhi nuk është një gjë e re, pasi është paraprirë nga të dhënat e patronazhistëve.
Sipas saj të dhënat janë marrë nga brenda, dhe personi që i ka nxjerrë është punonjës i AKSHI.
“Skandali u bë që në prill. Në momentin që dalin të dhënat e qytetarëve është skandal. Që në momentin që doli patronazhimi, qeveria duhej të reagonte. Ka rrjedhur nga vetë institucioni, jo nga tatimet. Të dhënat janë marrë nga brenda. Qeveria nuk bëri asgjë, SPAK-u nuk bëri asgjë.
Është punonjës i AKSH-it. Me VKM e dhjetorit 2017, të gjithë punonjësit kanë kaluar në varësi të AKSH. Ajo zonja nëse kishte këtë sensibilitet për të dhënat personale, ta hetonte që atëherë.”, ka thënë Shehaj.
