“Super makinë është jo shaka” E ironizoi në rrjetet sociale, Veliaj i përgjigjet Artan Hoxhës: Gazetaruc në bord bandash

Pas një postimi ironik që gazetari Artan Hoxha bëri për kryebashkiakun e Tiranës Erion Veliaj, ka ardhur dhe reagimi i këtij të fundit.

Tre ditë më parë, Hoxha ka publikuar foton e një Mercedesi luksoz që qëndronte para Bashkisë dhe shkruante se ai ishte i Veliajt.

“Meqe doli sot kjo lista e targave, me ndihmoni dot e kujt eshte kjo bisha AB 007… e parkuar te oborri bashkise se Tiranes???!!!

Jo për gje, por kam nja 4-5 jave, qe shikoj të qarkulloj me te, dike qe shfaqet shpesh ne media, i fotografuar “pa mendje” duke udhetuar me biçiklete neper qytet…

Epo jemi ne kohe festash, ne kohe dhuratash!!!

Super makine eshte jo shaka!!!

Ka punuar tjetri për kete dite”, shkruajti Hoxha.

Ndërkohë referuar një shënimi në Twitter, kryebashkiaku thotë se Artan Hoxha paguhet nga bandat. “Jo Tan Pasmaciu, por ASKUSH! Nuk ka asnje gazetaruc ne bordero bandash, apo trafikant droge me TV, te me vere gjobe”, shkruan Erion Veliaj.

Më herët, gjatë ditë së sotme i pari i Tiranës ka sqaruar se lajmi është i pavërtetë dhe se është publikuar nga portale gjobëvënëse.

“Po u more me gjobat që vendosin portalet dhe televizionet nuk bën dot asnjë punë. Njëri thoshte se lali ka blerë makinë 500 mijë euro. E para e punës, kush më njeh e di se unë nuk jam rraqexhi makinash. Më thanë dil e sqaroje, po kë të sqaroj? Edhe ai që e ka shkruar këtë rrenën e di që nuk është e vërtetë”, tha ai.