Pas dy ditëve me mot relativisht me diell, por temperatura shumë të ulëta sot do të rikthehen sërish reshjet e shiut të cilat do të jenë në formën e stuhisë pothuajse në të gjithë vendin. Vala e motit të keq nis në mëngjes nga veriu dhe nga pjesa e Adriatikut. Në mesditë do të përfshihet nga reshje pjesa e ultësirës perëndimore.
Pas orës 15:00 furtuna do të përfshijë Tiranën për të kaluar drejt pjesës së lindjes së vendit. Pasditja do të gjejë të gjithë territorin me kushte të këqija. Do të qetësohet pak mbrëmjen e të premtes, por jo për shumë orë, pasi dita e shtunë do të jetë me shi dhe e diela me vranësira lokale.
Java tjetër nuk do të karakterizohet nga reshjet, por nga temperaturat e ulëta.
