LIGJET E BIZNESIT
Policia ka zbuluar një “shtëpi bari” brenda së cilës kultivohej kanabisi me llamba elektrike në Kurbin duke arrestuar 7 persona, 4 prej tyre me detyrë elektricistë dhe faturistë pranë OSHEE Kurbin në operacionin e koduar “Bushneshi”.
Kati i parë i një banese, lokal, ishte kthyer në laborator i cili shërbente për kultivimin e bimëve narkotike, nëpërmjet ngrohjes me llamba. Gjatë kontrollit të ambientit u gjetën dhe u sekuestruan po ashtu 506 bimë kanabis të kultivuara në vazo dhe 58 kg kanabis gati për shitje.
Policia kishte indicie nga informacioni në rrugë operative për kultivimin e kanabisit duke i monitoruar dhe më pas i goditën duke arrestuar; Lek Allamanin 54 vjeç, banues në Bushnesh, Taulant Barokën 27 vjeç, banues në Arrameras, Fushë Krujë dhe Gimi Hidën 43 vjeç, banues në Tetovë, Maqedoni.
Kultivuesit kishin kryer lidhje të paligjshme të energjisë elektrike duke çuar pas hekurave elektricistë dhe faturistë pranë OSHEE për shpërdorim detyre.
Punonjësit e OSHE-së, të arrestuar janë; Xhemal Danieli 58 vjeç, banues në Bushnesh, më detyrë elektricist, Xhevalin Kaca 56 vjeç, banues në Mamurras, me detyrë elektricist Bib Gjergji 33 vjeç, banues në Fushë Mamurras, me detyrë përgjegjës në OSHEE Kurbin dhe Alfred Fufi 53 vjeç, me detyrë faturist i OSHEE.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Ata akuzohen se kanë lejuar lidhje të paligjshme të energjisë elektrike në transformatorin elektrik me pjesën e jashtme që furnizonte me energji ndërtesën e përshtatur për kultivimin e bimëve narkotike.
Lidhja e paligjshme e energjisë shërbente për furnizimin me energji të pajisjeve si llamba, aspirator, filtra ajrimi etj, që ndihmonin në kultivimin e bimëve narkotike. Gjithashtu, në cilësinë e provës materiale u sekuestruan të gjitha pajisjet që kanë shërbyer për kultivimin e bimëve narkotike, si: pajisje elektrike, llamba elektrike termale, lëndë ushqyese për bimët narkotike etj. Materialet për veprime të mëtejshme i kaluan Prokurorisë pranë Gjykatës së Shkallës së Parë Kurbin, për veprime të mëtejshme.
