“SPAK ka ndryshuar lojën”/ Soreca: Frika ka kaluar tek ata që e kanë kuptuar se nuk janë më të mbrojtur

Ambasadori i BE-së Luigi Soreca tha se frika që kishin prokurorët dhe gjykatësit për të ndëshkuar politikanët për shkak të trysnisë dhe presionit që ata bënin, ka kaluar në anën tjetër.

“SPAK e ka ndryshuar tërësisht lojën, është thelbësore të ruajmë foksun të përqëndruar sidomos në cështje që kanë të bëjnë me korrupsionin e nivelit të lartë. Këtu kemi parë hapa inkurajues”, u shpreh Soreca.

Deklarata e ambasadorit të BE-së Luigi Soreca:

Një bilanc i fortë po ndërtohet sa i përket ndjekjeve penale e dënimeve në cështje penale të nivelit të lartë.

Shikojmë që SPAK është pjese e një numri në rritje e ekipeve të përbashkëta të hetimeve me agjenci të BE por dhe me shtetet anëtare të BE-së.

Një gjë është e sigurt pavarësisht se me ngadalë, frika ka kaluar në anën tjetër, sepse frika ishte në anën e prokurorëve dhe gjyqtarëve të cilët në vetvete ishin nën trysninë e politikanëve e kriminelëve.

Por frika tashmë gjithnjë e më shumë po kalon në anën tjetër tek ata që kanë nisur ta kuptojnë që mund të mos jenë më të mbrojtur, që edhe ata si cdokush tjetër në Shqipëri do duhet të përballen me drejtësinë, dhe SPAK e ka ndryshuar tërësisht lojën, është thelbësore të ruajmë foksun të përqëndruar sidomos në cështje që kanë të bëjnë me korrupsionin e nivelit të lartë këtu kemi parë hapa inkurajues