Arrestohet në Tepelenë një 32-vjeçar, i cili bëri një njoftim të rremë, duke improvizuar vjedhjen e një shume parash.
Mësohet se personi që ka rënë në pranga, është shtetasi me inicialet S.M.
Ky i fundit njoftoi policinë më 27 nëntor se disa persona i kishin hyrë në banesë dhe i kishin marrë 200 mijë lekë.
Por pasi policia organizoi punën për zbardhjen e ngjarjes, rezultoi se 32-vjeçari kishte bërë njoftim të rremë dhe se “ngjarja” ishte e improvizuar.
Po nga hetimet rezultoi se 32-vjeçari është i implikuar në veprimtari kriminale në fushën e prodhimit dhe shitjes së lëndëve narkotike. Gjatë kontrollit në banesën e tij, policia gjeti dhe sekuestroi 300 gramë cannabis sativa dhe një armë gjahu që e mbante pa leje.
Po ashtu, është proceduar penalisht edhe i ati i të arrestuarit.
