LIGJET E BIZNESIT
Ish-kryeministri Sali Berisha thotë se në skandalin me publikimin databazës me të dhënat dhe punët e pagat të mbi 600 mijë qytetarëve, është i përfshirë Edi Rama si dhe ish-Ministrit të Shëndetësisë Ilir Beqajt.
Në një intervistë në emisionin “Të paekspozuarit”, Berisha thotë se kompania e Ilir Beqajt siguron anën teknike të të dhënave të AKSH-it, nga ku dyshohet se ka dalë dhe kjo databazë.
“Këtij i kanë thënë ti nxjerrim se dhe kjo kriza e PD-së zvogëlohet. Kanë pasur interes këto gjëra, ta heqin aktakuzat nga Rama dhe Drejtoreshës së AKSHI-t. Ajo ka rritur me 15 herë prokurimet secrete. Rama doli me atë në krah. Rama kërkon të shpëtojë kokën e vetë nga inceneratorët dhe mundet të sakrifikoj Beqajn. Më duket se kompania e tij siguron nga ana teknike, paprekshmërinë e të dhënave të AKSH-it. Ose Beqja ose baxhanaku i dashur i Edi Ramës. Baxhanaku i Ramës është famoz. Të paktën nja 50 tendera i ka të fituara. E kam denoncuar me dhjetra herë. Padiskutim dhe në parlament” – tha Berisha.
Berisha ka folur dhe për ultimatumin që ai i ka dhënë Bashës për lirimin e zyrave të Partisë Demokratike.
“Lulzim Basha dëshmon veten në një mission më makabër në historinë e pluralizmit politik. Se çfarë ka ndodhur, Rama realizoi pengmarrjen e pluralizmit politik. Basha jo vetëm u shkarkua me 4446 vota nga Kuvendi Kombëtar, u ratifikua dhe në referendumin. Janë vendime anëtarësie. Përmbarues i vendimit është anëtarësia. Lulzim Bashës iu dha një kohë, pasi duhet të kishte ikur që të nesërmen e këtij vendimi. I dhamë një kohë duke shpresuar se mund të ketë një arsye që t’i thotë se ky është fundi i kësaj situate. Prandaj i dhamë një kohë” – deklaroi Berisha.panorama
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
