Shtyhet për në datën 14 dhjetor seanca gjyqësore ndaj ish drejtorit të Radio Televizionit Shqiptar, Thoma Gëlliçi.
SPAK ka kërkuar informacione për tendera të tjerë që janë zhvilluar në vitet e fundit, kur Gëlliçi ka drejtuar këtë institucion.
Është e paqartë në qoftë se SPAK ka arritur të zbulojë vepra të tjera penale, ndërsa aktualisht Thoma Gëlliçi akuzohet vetëm për një tender të dhënë për blerjen e pajisjeve për kanalin RTSH Agro, pa marrë miratimin nga AMA dhe Bordi.
