Ministrja e Shëndetësisë Ogerta Manastirliu tha në Kuvend se komiteti i Ekspertëve është duke vlerësuar nëse masat do të shtrëngohen edhe në vendin tonë, për shkak të rrezikut që paraqet varianti i ri Omicron.
“Jemi para festave ku presim të rriten shkëmbimet, ndërveprimet mes njerëzve, është situatë sa delikate e fluide për ecurinë e pandemisë.
Ekspertët tanë po vlerësojnë me shumë vëmëndje për masat që do të nevojitn. Sikurse ka vendosur komiteti nga 4 janari, të gjithë punonjësit në administratën publike supermarkete, qendra tregtare duhet të paraqesin kartën e vaksinimit, kartën e shërimit apo testin e antigenit çdo 5 ditë.
Jemi duke vlerësuar në dinamikë situatën për të siguruar planin e dimrit dhe rritjen e kapaciteteve për testimin dhe gjurmimin”, tha Manastirliu.
