Në ditën e largimit të Angela Merkel nga posti i kancelares së Gjermanisë, kryetari i Partisë Demokratike e ka falenderuar atë për vëmendjen që ka treguar ndaj Shqipërisë dhe Kosovës.
“Faleminderit Angela Merkel! Lidershipi juaj, në kohëra shumë të trazuara që kaloi bota, është një shembull frymëzues. Angazhimi juaj e bëri Europën më solidare, të bashkuar dhe të aftë të kalojë kriza jo të lehta.
Shqipëria, Kosova dhe shqiptarët do të jenë përjetë mirënjohës për vëmendjen tuaj. Gjithë të mirat në jetën tuaj dhe suksese në angazhimet e ardhshme”, shkruan Basha.
