Një shpërthim ka ndodhur në mensën e një universiteti privat në Tiranë, por për fat ka pasur vetëm dëme materiale dhe jo të lënduar nga ngjarja.
Sipas informacioneve paraprake nga policia, dyshohet se shkak i shpërthimit është bërë rrjedhja e një bombule gazi.
NJOFTIMI
Me datë 09.12.2021, rreth orës 20:35, në rrugën e “Rinasit”, ka ndodhur një shpërthim në një godinë të një subjekti privat, konkretisht në kuzhinën e mencës, ku ka vetëm dëme materiale.
Paraprakisht dyshohet se ka shpërthyer një bombul gazi si pasojë e rrjedhjes së gazit.
Vijon puna nga grupi hetimor për zbardhjen e rrethanave të ngjarjes dhe përcaktimin e shkakut të shpërthimit.
