Sekreti i divës/ Para se të lyejë buzët, Monica Bellucci bën gjithmonë këtë veprim

Buzëkuqi është produkti kozmetik më i shituri i të gjithave kohërave. Me një traditë të lashtë që daton 5000 vjet më parë, që nga koha e qytetërimit babilonas ai është shndërruar në armën sekrete të të gjitha femrave. Pavarësisht gjendjes shpirtërore dhe asaj fizike, një e kaluar me buzëkuq buzëve duket sikur ju përmirëson ditën dhe u shton dozën ”e munguar” të feminilitetit. Por, përveç vështirësisë së zgjedhjes së tonalitetit të duhur, shpeshherë femrat diskutojnë me njëra-tjetrën se si shkëlqimi i tij zgjat aq pak. Mjafton një kafe në mëngjes ose një gotë verë në drekë dhe buzëkuqi zhduket si me magji.

Monica Bellucci, e dashuruar pafundësisht pas nuancave të së kuqes ka treguar se ka filluar të përdor buzëkuq që 14 vjeç.

Me kalimin e viteve ajo ka qenë imazh kryeso i shumë markave të njohura në botë, megjithatë pavarësisht emrit të tyre ajo ka mënyrën e saj për ta bërë buzëkuqin të zgjasë gjatë gjithë ditës.

1.Lyeni buzët me buzëkuq.

2.Më pas vendosni mbi buzë një napë të hollë ose fasoletë.

3.Me ndihmën e një furçe të vogël aplikoni pak pudër të tejdukshme mbi buzë.

4.Hiqni fasoletën dhe buzëqeshni, buzëkuqi do të jetë i juaji deri në fund të ditës.

Revista Living