Rama fillon ditën me një lajm të mirë për Shqipërinë: Valbona është rënditur  

Kryeministri Edi Rama, këtë të premte e ka nisur duke publikuar një shkrim nga media prestigjoze “Forbes”, e cila rendit Valbonën mes pesë bukurive mahnitëse natyrore të Ballkanit Perëndimor.

Rama ka shkëputur edhe një pjesë nga përshkrimi që kjo media i ka bërë Shqipërisë.

Postimi i plotë:

MIRËMËNGJES 

dhe me këtë shkrim nga prestigjiozia Forbes, që e rendit Valbonën mes 5 bukurive mahnitëse natyrore të Ballkanit Perëndimor që duhen vizituar, ju uroj një ditë mbarë

Sipas Forbes

“…Ndërsa majat e larta të maleve të kujtojnë majat e thepisura në Zvicër apo Austri, ky vargmal është në fakt pjesë e Bjeshkëve të Nemuna, një formacion që quhet edhe Alpet Shqiptare. Nuk mungojnë fshatrat idilike për t’u eksploruar në të gjithë Luginën e Valbonës, duke filluar nga Dragobia deri në Valbonë. Ky park ikonik është shtëpia e shumë më tepër sesa thjesht e njerëzve. Biodiversiteti i pasur i gadishullit të Ballkanit Perëndimor shfaqet plotësisht këtu, me arinj të murrmë, dhi të egra dhe rrëqebuj, që të gjithë e quajnë këtë park shtëpinë e tyre”