Po planifikonin vr asje në kryeqytet, policia mësyn në shtëpinë e njërit prej të kërkuarve, ja çfarë gjejnë  

Finalizohet me sukses operacioni “Mataro”. Qëllimi i kësaj ngjarje ishte vrasja e Preng Palucës.

Efektivët mësynë në apartamentin e Edmir Vlashit, ku dhe kanë gjetur atje një armë zjarri pistoletë, disa mjete identifikimi dhe leje drejtimi të lëshuara nga një shtet tjetër.

Policia ka shpallur në kërkim dy shtetas, Edmir Vlashi dhe Hektor Ndoka. Raportohet se pistoleta është dërguar në laborator për ekzaminime të mëtejshme, pasi dyshohet se ajo është përdorur në një ngjarje kriminale.

Vlen të përmendet që në vazhdën e këtij operacioni më herët janë vënë në pranga Nikoll e Marie Marku dhe Mark Lamkja.

Njoftimi i Policisë:

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Lezhë

Vijon operacioni “Mataro”.

Si rezultat i hetimeve të thelluara, Policia zbulon një apartament në përdorim nga shtetasi E. V.

Gjatë kontrollit të apartamentit, shërbimet e Policisë gjetën dhe sekuestruan armë zjarri pistoletë, leje drejtimi dhe dokumente të tjera të lëshuara nga një shtet tjetër.

Shërbimet e Policisë Lezhë kanë vijuar punën intensive për dokumentimin e plotë e veprimtarisë kriminale të shtetasve E. V. dhe M. N. të cilët janë shpallur në kërkim në kuadër të operacionit “Mataro”.

Si rezultat I veprimeve të thelluara hetimore është zbuluar një apartament që ishte në përdorim nga shtetasi E.V. Shërbimet e Policisë gjatë kontrollit të ushtruar në këtë apartament gjetën dhe sekuestruan në cilësinë e provës materiale një armë zjarri pistoletë, disa mjete identifikimi dhe leje drejtimi të lëshuara nga një shtet tjetër.

Gjatë operacionit “Mataro” u vunë në pranga 3 shtetas, u shpallën në kërkim shtetasit E. V. dhe M. N., si dhe u sekuestruan arsenal me armë, municion, mina me telekomandë, një sasi e konsiderueshme eurosh e përfituar nga veprimtaria kriminale dhe sende të tjera të kundërligjshme.

Nën drejtimin e Prokurorisë vijon puna për dokumentimin e plotë të kësaj veprimtarie kriminale, për kapjen e personave të shpallur në kërkim dhe identifikimin e personave të tjerë të përfshirë.

Edmir Vlashi, Hektor Ndoka