Po pastronin fasadën e një godine, dy gra bien nga 15 metra lartësi në Dropull

Një ngjarje e rëndë ka ndodhur rreth mesnatës së kaluar në Dropull, ku të plagosura kanë mbetur dy gra.

Gratë kanë qenë duke pastruar fasadën e një godine të një kompanie në fshatin Vrisera.

Mësohet se ishte improvizuar një vinç me një kovë, sipër së cilës ndodheshin gratë.

Befas, kova është shkëputur dhe gratë janë rrëzuar nga një lartësi rreth 15 metra. Ato janë dërguar me urgjencë në Spitalin Rajonal “Omer Nishani”, ku mësohet se njëra ndodhet në gjendje të rëndë shëndetësore.

Ndërkohë, nuk dihet ende nëse Policia e Gjirokastrës apo Prokuroria kanë nisur hetimet për ngjarjen, e cila dyshohet të jetë shkaktuar nga shkelja e rregullave të sigurimit teknik në punë.