Pikëpyetjet e Kuvendit të Bashës/ Ku ishin ulur 5004 delegatë dhe a votuan? Ja si përgjigjet Gazment Bardhi

Sekretari i Përgjithshëm i Partisë Demokratike Gazment Bardhi doli sot në një konferencë për mediat.

Ai këmbënguli se do të bënte transparencën e atij që e quajti si Kuvendi Zyrtar i PD i mbajtur në Pallatin e Kongreseve.

Bardhi tha se në këëtë Kuvend ishin 5004 delegatë, duke shtuar se mediat ishin të lira të numëronin sa delegatë ishin të pranishëm.

E ndërsa salla e Pallatit të Kongreseve ka një kapacitet prej 1958 vendesh, Bardhi u pyet se ku ishin ulur 5004 delegatët, ndërsa u shpreh se ato ishin të shpërndarë në pjesën e brendshme të pallatit.

“I numëruat ju, në pamje, ka pasur edhe persona që kanë qëndruar në këmbë në të gjithë pjesën e brendshme të pallatit. Për shkak të kapacitetit të sallës, ka pasur delegatë edhe në ambientet jashtë kësaj salle”, tha Bardhi.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Ndërsa i vendosur përballë faktit se delegatët që ishin jashtë salle nuk kanë votuar, Bardhi u shpreh se nuk u kishte vendosur GPS njerëzve.

I pyetur se çfarë funksionesh kanë në PD, delegatët e Kuvendit të Bashës, Bardhi u shpreh se ‘funksioni i tyre është anëtar i Kuvendit Kombëtar”.