Përfundon numërimi/ Këshilli Kombëtar shkarkon Edi Palokën, disa nga anëtarët e kryesisë dhe disa sekretarë

Përfundon procesi i numërimit të votave për shkarkimin e anëtarëve të kryesisë së Partisë Demkkratike, disa sekretarëve si dhe kryetarit të Këshillit, Edi Paloka.

Mësohet se nga 257 fletë votimi gjithsej, 251 kanë votuar pro vendimit të kryesisë, 4 vota kanë qenë kundër, teksa të pavlefshme janë shpallur vetëm dy.

Referuar shifrave të dhëna nga kryetari i Komisionit Zgjedhor në Këshillin Kombëtar , Jemin Gjana, rezulton që kanë votuar 257 persona.

Jemin Gjana: Në listën e anëtarëve nga shkronja A tek G figurojnë 137 pjesëmarrës.

Nga H tek Zh rezultojnë 120 pjesëmarrës në votime. Sipas këtyre regjistrave, 257 anëtarë kanë marrë pjesë në votim. Nga numërimi që bëmë, tek njëri grup janë 130 fletë dhe tek grupi tjetër janë 127 fletë, që do thotë se janë gjetur 257 fletë votimi.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Përfundimisht që mos të vonojmë ata që po presin,

Nga 257 fletë votimi, rezulton: 251 kanë votuar pro vendimit të kryesisë për largimin nga detyrat që mbanin në kryesinë e PD.

4 persona kanë votuar kundër dhe 2 fletë votimi janë nxjerrë të pavlefshme.