Një ngjarje e rëndë ka ndodhur në Tiranë.
Mësohet se dy shtetas janë proceduar penalisht pasi kanë goditur dhe penguar një gazetare në ushtrimin e detyrës.
Sipas uniformave blu, shtetasit me inicialet T. N., 62 vjeç dhe A. Z., 50 vjeç kanë goditur dhe kanë penguar në ushtrimin e detyrës shtetasen B. D., 24 vjeçe, me detyrë gazetare.
Burime bëjnë me dije kjo e fundit kishte shkuar për të filmuar në një objekt ku shtetasi T. N., dhe A. Z., kishin një konflikt pronësie me një person tjetër.
“Specialistët për Hetimin e Krimeve në Komisariatin e Policisë Nr. 1 proceduan penalisht shtetasit T. N., 62 vjeç dhe A. Z., 50 vjeç, pasi në rrugën “Hoxha Tahsim”, kanë goditur dhe kanë penguar për ushtrimin e detyrës, shtetasen B. D., 24 vjeçe, me detyrë gazetare, e cila kishte shkuar për të filmuar në një objekt ku shtetasi T. N., dhe A. Z., kishin një konflikt pronësie me një person tjetër”,-thuhet në njoftimin e policisë.
