Universiteti prestigjioz i Harvardit ka vlerësuar me çmimin e parë arritjen e madhe që i riu shqiptar Dean Çela, i cili ka mbaruar studimet në “University College London” me bursë nga “Fondi i Ekselencës” nga Ministria e Arsimit, ka bërë me krijimin e platformës Akademi.al.
Akademi.al është një platformë e-learning (e mësimit online) e ngjashme me Khan Academy dhe Google Classroom të bashkuara së bashku.
“Gjatë pandemisë COVID-19, ne nënshkruam kontrata me disa qeveri përfshirë Shqipërinë, Kosovën dhe Maqedoninë e Veriut për t’u bërë platforma zyrtare për Mësimin në distancë për të gjithë nxënësit shqipfolës në mbarë globin. Platforma tani ka mbi 500,000 studentë, 1,300 shkolla dhe 20,000 video mësimore në gjuhën shqipe”, shpjegon Çela.
“Vetëm në 12 muaj, ne krijuam rreth 13,000 mësime video të cilat janë falas për t’u parë nga kushdo [dhe] 91% e të gjithë studentëve në vendin tim filluan të përdorin platformën time gjatë pandemisë. Vendosa të heq dorë nga të gjitha tarifat dhe ta bëj atë 100% falas për studentët, mësuesit dhe shkollat. Për shkak të kësaj, mora një çmim nga Komisioni Evropian i quajtur Evropianët që bëjnë dallimin.”, ka thënë ai më tej.
Dean Çelaj është student i masterit në Programin Edukimi për Lidership, Organizata dhe Sipërmarrje (#ELOE).
Platforma e tij Akademi.al fitoi së fundmi Fondin e Bursës së Ndikimit Social të Harvardit.
Pas diplomimit, Dean shpreson të përsërisë këtë model në vendet e tjera në zhvillim me një platformë plotësisht me burim të hapur për të ndihmuar në krijimin e përmbajtjes në gjuhët rajonale dhe për t’i ndihmuar ata të arrijnë më shumë studentë.
View this post on Instagram
