Ashtu sikurse veshjet dhe make up-i, edhe mënyra sesi ne i stilojmë flokët tregon shumë. Modele të ndryshme japin edhe shumë përshtypje të ndryshme, që sigurisht thonë diçka më shumë për ju. Çfarë specifikisht?
1. Të gjata dhe me dallgë
Në qoftë se flokët e tu shumicën e kohës duken kështu, ti ke një shpirt karizmatik dhe nuk e vret mendjen për gjëra të kota. Nuk të intereson çfarë njerëzit thonë për ty, por përpos kësaj je e turpshme dhe do që hera-herës të ndjesh një lloj sigurie.
2. Flokët e shkurtër
Nëse mban këtë model, ti s’po përpiqesh të fshehësh asgjë dhe përballesh me vështirësitë me kokën lart. Nga ana tjetër, kjo lloj prerje tregon se të pëlqejnë gjërat praktike pasi përditshmëria jote është mjaftueshëm e ngarkuar për t’u marrë me to.
3. Flokët bisht
Ti je e dashur dhe tepër dominante. Nuk ke frikë t’i tregosh njerëzve se kush është shefja, pasi je mjaftueshëm ambicioze për të arritur atë që do.
4. Flokët bisht të lirshëm
Ti nuk po përpiqesh shumë për t’u dukur perfekte, por gjithsesi dukesh e tillë. I merr gjërat shumë lehtë sepse mendon që nuk ja vlen të shpenzosh orë të tëra duke u marrë me veten, ndërkohë që mund të bësh gjëra më produktive se sa flokët.
5. Flokët e çrregullt
Për ty nuk është e rëndësishme të shkëlqesh gjithmonë, por flokët e çrregullt të bëjnë akoma më interesante.
6. Flokët gjithmonë të drejtë
Nëse ti dhe pjastra keni marrëdhënie të pandarë me njëra-tjetrën, do të thotë se je perfeksioniste. Ti do të bësh më të mirën e asaj që mundesh. Njësoj si flokët, ke në kontroll çdo situatë tjetër!
