Një gjykatë në Britani ka dënuar me dy vite burg një shtetas shqiptar, që u kap pak javë më parë duke u kujdesur për rritjen dhe kultivimin e bimëve narkotike.
Malbor Luzi, u arrestua në datën 20 tetor të këtij viti në Leeds, i cili u kap në një shtëpi, në dhomat e të cilës u gjetën 489 bimë narkotike, ku vlera e tyrre nëse do të shitej në treg, kapte shifrën e 268,950 paund. Në momentin që u arrestua shqiptarit iu gjet një celular, një shumë parash dhe një kartë identiteti.
33-vjeçari tha para gjykatës se ishte kërcënuar nga të tjerë persona që e urdhëruan të kujdesej për bimët narkotike. I riu tha midis të tjerash se ai kishte qenë përgjegjës vetëm për ujitjen e bimëve.
Ndërkohë një tjetër shqiptar është arrestuar, pasi drejtonte një fabrikë kanabisi. Bëhet fjalë për Kristjan Idrizin, 19 vjeç të cilit iu gjetën rreth 200 bimë narkotike. Avokati mbrojtës tha para gjykatës se Idrizi ishte nga Shqipëria, por zotëronte pasaportë italiane.
