Sapo u mbyll procesi i votimit për shkarkimin e kreut të Partisë Demokratike Lulzim Basha në Kuvendin e thirrur te stadiumi “Air Albania” nga ish-kryeministri Sali Berisha.
Aktualisht po bëhet numërimi i votave të procesit që nisi në mesditë.
Rezultati i pritshëm është që delegatët e thirrur nga ish-kryeministri të kenë votuar për shkarkimin e Lulzim Bashës.
Mësohet se më 18 dhjetor është parashikuar një referendum në çdo degë të Partisë Demokratike, lidhur me vendimin që do të merret sot.
Nga ana tjetër, kryedemokrati Lulzim Basha, do të zhvillojë pak minuta më vonë mbledhjen e kryesisë së PD-së.
Sipas burimeve dy janë mundësitë: Përjashtimi i Sali Berishës nga partia, ose cilësimi nul i vendimeve të marra në Kuvendin e ish-kryeministrit.
