“Lufta” me mesazhe për delegatët e PD, demokrati i shkruan Bashës: Te stadiumi mbahet Kuvendi i burrave!

Një mesazh për shpalljen e ish-kryeministrit Sali Berishës “non grata” u dërgua të premten në celularët e delegatëve të PD. Deputetët dhe delegatët në mbështetje të Berishës akuzuan Bashën dhe Gaz Bardhin, duke thënë se numrat ua kishin besuar atyre.

Në këtë “luftë” mesazhesh janë përfshirë dhe demokratët e thjeshtë. Ata kanë nisur t’i shkruajnë krzedemokratit Basha në WhatsApp, për ta ftuar në Kuvendin Kombëtar që mban sot Sali Berisha, në stadiumin Air Albania. Bashën e ftojnë si anëtar të thjeshtë në atë që ata e quajnë “Kuvend i burrave”.

“Pershendetje i nderuar antar i Partise Demokratike, ju rikujtojmë që nësër dt.11/12/2021 ora 10:00 në ambjentet e Air Albania do zhvillohet kuvendi i BURRAVE për të rithemeluar Partinë Demokratike! JENI TË MIRËPRITUR”, shkruhet në mesazh.