LIGJET E BIZNESIT
Drejtori i Përgjithshëm i DPSHTRR, Blendi Gonxhja, ka njoftuar rregullin e ri. Ai bën me dije se nga tani e tutje kur të bëhet ndërrimi i pronësisë së mjetit, nuk do jetë nevoja që mjeti t’i nënshtrohet sërish kontrollit fizik.
Sipas Gonxhes, kjo do sjellë një lehtësim të procedurave dhe shërbim më të shpejtë për qytetarët.
Njotimi i plotë
Tjetër LAJM I MIRË për Drejtuesit e Mjeteve!
Mbi 60,000 mjete në vit paraqiten për Kontroll Fizik kur ndërrojnë pronësinë e mjetit.
Falë marrjes në administrim sivjet të Kontrollit Teknik dhe ndërveprimit të sistemeve informatike, Certifikata e Kontrolit Teknik e lëshuar nga DPSHTRR e bën të panevojshme që mjeti t’i nënshtrohet përsëri kontrollit fizik!
Eliminojmë nga viti 2022 mbi 60,000 praktika Kontrolli Fizik në vit!
Thjeshtojmë procedurat, duke liruar kapanonet nga radhët e duke ndihmuar për një shërbim më të shpejtë për të gjithë:
Ulim kohën e shërbimit të Ndërrimit të Pronësisë me rreth -30 min!
Ulim koston e këtij shërbimi me -1,500 lekë më pak!
I kursejmë qytetarëve në total:
90,000,000 lekë/vit
30,000 orë pritje/vit
Më Lehtë, Më Shpejt, Më Lirë!
