Në Kuvendin e sotëm të thirrur nga ish-kryeministri Sali Berisha i cili po mbahet në stadiumin “Air Albania”, do të miratohen dhe ndryshime statutore në Partinë Demokratike.
Për këtë, është ngritur dhe një Komision prej 5 anëtarësh.
Deputeti Edi Paloka, një nga mbështetësit e parë të Sali Berishës, që pas përjashtimit të këtij të fundit nga grupi parlamentar prej kreut aktual Lulzim Basha, ka zbardhur emrat e anëtarëve të këtij komisioni i cili së pari do merret me verifikimin e rreth 5000 delegatëve të mbërritur në këtë Kuvend dhe më pas mbajtjen e punimeve deri në miratimin e draft/statusit të ri. Surprizë mbetet përzgjedhja e Belind Këlliçit si kryetar i këtij komisioni:
Albana Vokshi kryetare e LDG
Ervin Minarolli sekretar organizativ i PD
Ivi Kaso sekretar zgjedhor i PD
Edmond Spaho ish-nënkryetar i PD
Belind Këlliçi kryetar i FRPD- drejtues i komisionit
Sekretariati: Minushe Lazaj, Nade Daullja, Ledio Muraj
