Konfiskohet resorti 5 milionë euro i biznesmenit të kamur

Konfiskohet “Ador Resort”, hoteli i biznesmenit Admir Hoxha.

‘Kjo pronë e konfiskuar me vlerë 5 (Pesë) Milion Euro i kalon shtetit shqiptar! Hoteli i përkiste një grupi kriminal të strukturuar që merrej me trafik ndërkombëtar droge”, njofton SPAK.

Gjykata vendosi sekuestron e këtij resorti në datën 4 shkurt 2019. Hetimet fillimisht nisën më 14 nëntor 2016 nga Prokuroria e Kavajës.

Admir Hoxha është i shpallur në kërkim ndërkombëtar. Ai u arratis nga Shqipëria 9 ditë para se policia të finalizonte operacionin e sekuestrimit të laboratorit të heroinës në Has, 19 tetor 2018. Sipas Prokurorisë Hoxha bashkëpunonte me grupin e Shijakut, teksa banda u godit në fillim të muajit tetor.