Ka përfunduar 67 herë në komisariat, 12-vjeçari thyen rekorde për vepra penale në Shqipëri (VIDEO)

Ergysi, vetëm 12 vjeç kryeson rekordin prej 67 herësh i shoqëruar në komisariate. Derisa të mbushë 14 vjeç, si shumë të tjerë që janë kthyer hajdutë, ai nuk mund të arrestohet. Gjyqtari për të miturit Bedri Qorri shprehet për Top Channel se fëmijët përherë e më shumë po vërehen si autorë ngjarjesh.

Deri më tani, në të gjithë vendin gjenden aktualisht nën shërbim prove 167 të mitur kryesisht për vjedhje dhe shpërndarje droge. Si një kamera sigurie qe Top Channel disponon dhe ku duken 3 fëmijë që vjedhin biçikletën e një zyrtari, grupe të miturish po shfaqen përditë e më shumë duke vjedhur me synimin për të fituar para për drogë.

Por ende nuk është ngritur institucioni i riedukimit për fëmijë që duhet të funksiononte. Gjykata këmbëngul se megjithë vendimet që shpallen ndaj të miturve mes moshës 14 deri në 18 vjeç, vërehet se ata po kthehen përsëritës.