Jo vetëm njerëzit, edhe dy hipopotamë rezultuan pozitivë me virus

Dy hipopotamë në kopshtin zoologjik të Antwerpi në Belgjikën veriore, kanë rezultuar pozitivë me koronavirus. Këto janë rastet e para me virus tek këto specie, në të gjithë botën, pasi virusi është zbuluar kryesisht tek majmunët dhe macet.

Dy hipopotamët femra, Hermian, 41 vjeç, dhe Imani, 14, nuk kanë simptoma të tjera përveç rrjedhjes së hundëve. Për arsye paraprake, kopshti zoologjik i ndaloi vizitorët të hynin në mjediset e tyre.

Ende nuk dihet se si hipopotamët u infektuan me koronavirus. Belgjika ashpëroi masat këtë javë duke njoftuar mbylljen e shkollave fillore dhe kopshteve duke filluar nga 18 dhjetori. Mesatarisht, Belgjika regjistron çdo ditë 17800 raste dhe 44 viktima.