Jo vetëm certifikatë vaksinimi, Greqia vendos një tjetër kusht për udhëtarët

Në kuadër të festave të fundvitit, Greqia ka vendosur të marrë masa të reja për shkak të pandemisë.

Në  këtë përiudhë udhëtimet e qytetarëve janë më të shpeshta.

Për pasojë, mësohet se personat që do të hyjnë në shtetin fqinj, duhet që të kenë patjetër një test negativ të koronavirusit të realizuar brenda 48 orëve të fundit, pavarësisht nëse janë të pajisur me certifikatë vaksinimi.

Mediat fqinje bëjnë me dije se këto masa do të hyjnë në fuqi ditën e dielë (19 dhjetor) në orën 06:00. Vendimi lidhet me përhapjen e variantit të ri Omicron si dhe afrimit të festave të fundvitit.

Vetëm në Britaninë e Madhe, shifrat e infektimeve kanë pësuar dyfishim që prej shfaqjes së variantit Omicron.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Në 24 orët e fundit në Greqi u shënuan 4801 raste të reja dhe 77 viktima si pasojë e koronavirusit.