“Jam adhuruese e fjalës së burrave” Rezarta Shkurta zhgënjehet nga Donaldi, ja veprimi i papritur që bën

Puthja e prezantueses Bora Zemani me aktorin Donald Veshaj në “Big Brother VIP”, i bëri të gjithë shikuesit të “mbërtheheshin” pas ekranit.

Por mesa dukej Donaldi i zhgënjeu ata me veprimet e fundit kundrejt këngëtares Beatrix Ramosaj, brenda shtëpisë më të famshme në Shqipëri.

Njëra prej tyre është këngëtarja e njohur Rezarta Shkurta, e cila i ka dalë Donaldit kundër publikisht.

Në postimin që ka bërë në “Instastory”, ajo shprehu se e sheh veprimin e tij si mungesë sinqeriteti dhe jo fjalë burrash.

Gjithashtu ajo ka bërë publik edhe veprimin e saj kur ka hequr Donaldin nga lista e personave që ndjek në “Instagram”.

“Unë jam adhuruese e dashurisë. Jam adhuruese e sinqeritetit dhe e fjalës së burrave, atyre prej vërteti. Jam adhuruese e njerëzve që nuk shiten as për shoë as për vëmendje. ‘Unfolloë’ me shumë kënaqësi për ata që s’i kanë këto vlera”, shkruan Rezarta.

Para disa javësh, kur në shtëpinë më të famshme në Shqipëri hyri ish-partnerja e tij, Bora Zemani, pëveç emocioneve që transmetuan, u duk sikur ish-partnerët lanë të hapur mundësinë për t’u rikthyer bashkë pasi ai të dalë nga BB VIP.

Por mesa duket hyrja e Beatrix i turbulloi mendimet dhe ndjenjat e Donaldit që tani shprehet se e pëlqen vërtet dhe të kaluarën do ta lërë pas.

Dyshja janë parë në shoqëri të njëri-tjetrit që pas daljes së Semit nga shtëpia, duke u ledhatuar dhe përqafuar. Ata janë larë dhe dy herë në dush bashkë duke tërhequr vëmendjen e banorëve të tjerë.