Ishte për reportazh në Munellë/ Ja si ra në greminë makina ku udhëtonte Alfred Lela me tre të tjerë

Dalin detaje të tjera nga aksidenti që pësoi sot në mbrëmje gazetari Alfred Lela.

Ai ndodhej në makinë së bashku me 4 persona të tjerë, pasi  ishte nisur për të kryer një vëzhgim dhe ndërtuar një reportazh për masivin pyjor të Munellës, pretendent për tu futur në listën e zonave të mbrojtura dhe e njohur për praninë e rriqebullit në Ballkan.

Ndërkohë raportohet se Lela së bashku me një operator dhe dy eksplorues janë nisur drejt malit të Munellës në 2 mijë metra lartësi, por ndoshta dhe nga një pakujdesi e shoferit, mjeti ka dalë nga rruga duke përfunduar në greminë.

Deri tani dyshohet për 4 persona të plagosur, mes tyre dhe gazetari, i cili është në gjendje të mirë shëndetësore, pasi ka komunikuar me kolegun e “News 24” Armir Mehaj. Policia është nisur sapo është lajmëruar për t’iu ardhur në ndihmë, por terreni i vështirë malor dhe kushtet atmosferike kanë vështirësuar gjetjen e të aksidentuarve.