LIGJET E BIZNESIT
Arrestohet në Rinas një shqiptar nga Kosova, pasi ishte shpallur në kërkim në Hollandë për vrasje.
Policia bën me dije se bëhet fjalë për 22-vjeçarin me inicialet M. A, banues në Belgjikë.
NJOFTIMI ZYRTAR I POLICISE
Policia Kufitare e Rinasit vë në pranga një shtetas të shpallur në kërkim ndërkombëtar nga autoritetet e zbatimit të ligjit të Holandës.
Shërbimet e Policisë Kufitare të Rinasit, si rezultat i shtimit të kontrollit për verifikimin e dokumentacionit të qytetarëve në hyrje dhe në dalje, me qëllim kapjen e personave në kërkim, falë edhe shkëmbimit të informacionit me Interpol Tiranën, ndaluan shtetasin M. A., 22 vjeç, banues në Belgjikë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Ky shtetas u kap në hyrje të Republikës së Shqipërisë dhe u arrestua me qëllim ekstradimi, pasi gjatë përpunimit të dokumentacionit dhe shkëmbimit të informacionit me Interpol Tiranën, rezultoi se ishte person i shpallur në kërkim ndërkombëtar nga Holanda, për veprat penale ‘Vrasja në rrethana cilësuese’, ‘Vjedhja me dhunë’, ‘Pastrim parash’ dhe ‘Shkatërrimi i pronës’, parashikuar nga Kodi Penal i Holandës.
Personi në kërkim ndërkombëtar u dërgua në ambientet e paraburgimit të DVP Tiranë, në dispozicion të Prokurorisë së Rrethit Gjyqësor Tiranë.
