“I dhe para Bashës për tu bërë deputet”, Mziu-Ndoka: Përballemi në gjyq

Ish-kreu i Partisë Demokristiane Nard Ndoka dhe deputeti i demokrat Xhelal Mziun sulmuan njëri-tjetrin në distancë këtë të premte. SI fillim, ish-aleati i Lulzim Bashës, i cili tanimë ka dalë në përkrahje të ish-kryeministrit Sali Berisha deklaroi se Mziu është njëri prej deputetëve që i ka ofruar para kryetarit Basha për të hyrë në listën e kandidatëve për deputetë në zgjedhjet e fundit parlamentare të 25 prillit.

“Po e ndjejnë deputetët e PD-së këtë presion të bazës. Një nga ata që nëpërmjet pagesës kanë marrë kandidimin nga z.Basha është dhe Mziu. PD do çlirohet nga ky mekanizëm. Pra PD do pastrohet nga ky proces që nuk ishte me meritë por si një lloj tenderimi,”- tha Ndoka.

Pas disa orësh, Mziu iu kundërpërgjigj Ndokës në rrjete sociale duke e paralajmëruar që do e padisë për shpifje dhe do të përballet në gjykatë me të. Ish-kryebashkiaku i Kamzës ironizoi Ndokën teksa e quajti “filozof” që në karrierën politike ka shitur partinë e dinjitetin për të blerë ministrisi. Deputeti i Dibrës sulmoi Nard Ndokën dhe Sali Berishën duke thënë Ndoka është kthyer në “gaztor në birucën e matrapazit”.

Postimi i Xhelal Mziut: