LIGJET E BIZNESIT
Kallëzohet penalisht kryeministrja e Serbisë Ana Brnabiç, ministrja e Minierave dhe Energjetikës Zorana Mihajloviç dhe ajo e Mbrojtjes së Mjedisit, Irena Vujoviç.
Vendimi është marrë nga ekipi juridik i Partisë Popullore.
Kallëzimi me 1747 nënshkrime të qytetarëve, është dorëzuar në Prokurorinë për Krim të Organizuar nga përfaqësuesit e së cilës është kërkuar që të veprojnë menjëherë, thanë para gazetarëve përfaqësues të Partisë Popullore para Gjykatës Speciale në Beograd.
Sipas mediave vendase, nënkryetari i Partisë Popullore, Miroslav Aleksiç, tha se “partia së bashku me popullin kanë bërë kallëzim penal kundër autoriteteve dhe ka treguar gjithçka që është bërë në vitet e fundit në lidhje me Rio Tinton”.
Ai i bëri thirrje prokurorisë që të reagojë ndaj kallëzimit penal, por gjithashtu shprehu dyshimin se “drejtësia është e shantazhuar apo e korruptuar”.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Aleksiç ndër të tjera shtoi se Serbia mund të ketë një fitim vjetor prej shtatë deri në 30 milionë euro nga Rio Tinto gjersa 80 milionë euro nga bujqësia në Luginën e Jadrës.
Ai ka thënë se Partia Popullore nuk do të ndalet së theksuari pasojat e dëmshme të punës së autoriteteve të Serbisë dhe asaj kompanie.
