Ekzekutimi në Kamëz/ Del në ‘skenë’ një vajzë, i shkroi SMS 30-vjeçarit para se të vritej

Detaje të reja shumë të forta kanë dalë në lidhje me ekzekutimin e 30-vjeçarit Can Karriçi në Kodër Kamëz.

Mësohet se i riu ka qenë në një lokal me disa shokë të tij dhe një vajzë, përpara se të qëllohej me 4 plumba nga një armë zjarri me silenciator.

Gjithashtu mësohet se Karriçi pasi ka komunikuar me mesazhe me një tjetër vajzë që kishte lënë takim, është ngritur nga lokali dhe është futur në mjetin e tij me targa të huaja.

Menjëherë sapo është futur në makinë, është qëlluar nga autorët nga një mjet tjetër.

Policia ka shoqëruar vajzën, e cila kishte lënë takim me viktimën. Ajo është shprehur se nuk ka dijeni për problemet e të riut apo se kush mund të jetë autori i ngjarjes. Ndërkohë po punohet për zbërthimin e tablateve telefonike për të parë komunikimet e fundit të 30-vjeçarit.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Grupi hetimor po heton të shkuarën kriminale të viktimës, pasi sipas informacioneve, ai ishte mik me dy viktimat e nëntorit në Astir, Erigers Mihasi dhe Armand Dumani.