Gjykata e Shkodrës ka dhënë masën e sigurisë “arrest me burg” për Kristjan Kelmendin dhe Marjan Kolën.
Ata janë arrestuar si të dyshuar për vrasjen e ish-deputetit Pashko Ujka.
Hetimet për mbledhjen e provave në ngarkim të tyre do të vijojnë.
Kujtojmë se ekzekutimi i Pashko Ujkës ndodhi të hënën, shumë pranë banesës së tij.
Ai u qëllua me një plumb pas shpine, por që rezultoi fatal pasi i preku organet jetësore.
Kristjan Kelmendi dhe Marjan Kola u arrestuan pak pas ngjarjes si dy të dyshuarit kryesorë.
