Ermal Telha, ekspert për ekonominë, tregoi në “A2 Business” me gazetaren Aurora Sulçe se rritjen më të madhe në çmim e kanë pësuar produktet bazë.
“Kemi nevojë të popullatës për shtim të konsumit dhe në mënyrë të natyrshme, çmimet do të rriteshin. Mendoj se rritja e çmimeve vjen nga importi. Në momentin që jemi të detyruar që të importojmë, nuk e dirigjojmë dot ne pjesën e çmimeve, por importuesit”, tha Telha.
“78% e personave nuk arrijnë që të përballojnë shpenzimet apo të kursejnë”
“Te zinxhiri i transmetimit të produktit, rolin kryesor në abuzim e ka hallka e tregtimit. Për shumë arsye, ne kemi një shtresë prodhuese kombëtare të pambrojtur, në raport me subvencionimin e prodhimit vendas. Duhet t’i kushtojmë vëmendje arritjes së standardit të cilësisë së produkteve tona”, shtoi eksperti.
Sipas Telhës, “duhet të kemi qasje më mbrojtëse ndaj vendasve, me politika favorizuese”.a2
