LIGJET E BIZNESIT
Shoferët që aksidentohen në Tiranë, përveç dëmeve materiale dhe rrezikut për jetën që kalojnë, iu duhet të përballen dhe me abuzimin e policëve të papërgjegjshëm, që kundrejt rryshfetit mund të ndryshojnë dhe rrethanat e ngjarjes në procesverbalet e konstatimit.
Së fundmi SHÇBA ka pezulluar nga detyra një nënkomisar policie në Tiranë, pasi akuzohet se ndryshonte përgjegjësitë e palëve në rast hetimi aksidentesh.
Sipas policisë, efektivi ishte Specialist në Seksionin e Hetimit të Aksidenteve Rrugore në Komisariatin e Policisë të Qarkullimit Rrugor Tiranë dhe kishte rënë në “rrjetën” e SHÇBA-së prej disa kohësh.
NJOFTIMI ZYRTAR I POLICISE
SHÇBA Tiranë ekzekutoi vendimin e Gjykatës së Rrethit Gjyqësor Tiranë, e cila ka vendosur masat e sigurisë “Pezullimi i ushtrimit të një detyre a shërbimi publik” për punonjësin e policisë:
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
– N/Komisar F.M., 29 vjeç, me detyrë Specialist në Seksionin e Hetimit të Aksidenteve Rrugore në Komisariatin e Policisë të Qarkullimit Rrugor Tiranë.
Nga hetimet e SHÇBA Tiranë ka rezultuar se oficeri i policisë F.M., duke shpërdoruar detyrën, ndryshonte përgjegjësitë e palëve në rast hetimi aksidentesh.
Materialet procedurale u referuan në Prokurorinë e Rrethit Gjyqësor Tiranë.
SHÇBA fton qytetarët të denoncojnë çdo rast të abuzimit apo shkeljes së ligjit nga ana e punonjësve të Policisë së Shtetit duke telefonuar në numrin e gjelbër 0800 90 90.
