Miliarderi Behgjet Pacolli ka reaguar pas premtimit të madh që bëri kryeministri Edi Rama se do të ndihmojë Kosovën me energji elektrike për festat e fundvitit në mënyrë që të furnizohen pa ndërprerë.
Ai shkruan se pavarësisht fyerjeve dhe sharjeve që ka marrë vazhdimisht, Rama po e tregon se kush është ai në të vërtetë dhe qëllimet e mira që ka ndaj Kosovës.
“Vazhdo kryeministër Edi Rama të mbështesë popullin e Kosovës në këto ditë të vështira..!
E di që të kanë fyer, të kanë ofenduar, por kjo vetëm sa ka rritur dëshirën dhe gatishmërinë tënde, edhe më shumë për të qëndruar pranë Kosovës.
Në këto rrethana do të jetë e vështirë, por do të vijë momenti kur saktësisht do të dëshmohet se kush kishte të drejtë, kush punoi me dinjitet për interesat e Kombit, të Kosovës dhe kush ndihmoi kush vodhi etj.
Do të ishte një parim bujar dhe edukativ që të gjithë të distancoheshin nga gjuha e vrazhdë dhe në vend të kësaj të sillnin, nëse duhet, të sjellin fakte, me emra, data, numra etj.”, shkruan Pacolli.
