Në puntatën e “Big Brother VIP” mbrëmjen e sotme produksioni ka lajmëruar me anë të klipit prezantues se pritet të ketë shumë surpriza.
Mësohet se në shtëpinë më të famshme në Shqipëri pritet të hyjë vëllai binjak i Donald Veshaj, Romeo.
Ende nuk dihet nëse ai do të jetë aty për të surprizuar konkurentin, apo do të bëhet banor i ri.
Ky klip ka ngritur dyshime tek publiku pasi kanë aluduar edhe për një dalje të mundshme të Donaldit nga shtëpia. Ky hamendësim lidhet edhe me një zhvillim gjatë kësaj jave, ku Donaldi ka shkruar në xham “më nxirrni që këtu”, por më pas shkruajti “jo, jo”.
“Sonte në shtëpi do ketë një hyrje të re të cilën publiku e ka kërkuar pafund. A do kuptojnë banorët që në vend të Donaldit do jetë Romeo? Cilat do të jenë reagimet e tyre?”, thuhet në klipin që ka publikuar Arbana Osmani në Instagram.
“Një ndërrim i Romeos me Donaldin? Hyrja e sotme në shtëpi pritet t’i trazojë ujërat”, shkruhet në faqen zyrtare në Instagram të Big Brother.
Vlen të përmendim edhe faktin që marrëdhënia e Donaldit me këngëtaren Beatrix Ramosaj brenda shtëpisë ka shkaktuar një valë reagimesh tek publike, që tashmë është i ndarë pothuajse në dy pjesë, pro lidhjes së tij me Bora Zemanin dhe në anën tjetër pro romancës me Beatrix.
View this post on Instagram
