“Duhet të thirret nga SPAK” Rama sjell rastin konkret të gjyqtares: Ja çfarë vendimi ka dhënë

Në konferencën e sotme kryeministri Edi Rama ka deklaruar se të gjithë ata prokurorë dhe gjykatës që nuk e kanë kaluar Vettingun duhet të pezullohen në vend nga detyra.

Ai shtoi se ka ende gjyqtarë që marrin vendime të kundërligjshme vetëm pak para se të shkarkohen.

Konkretisht ai solli rastin e një gjyqtareje që ka penguar punën për ndërtimin e qendrës së fëmijëve, duke kërkuar që ajo të thirret nga SPAK.

“Ne mendojmë që gjyqtarë dhe prokurorë që nuk e kanë kaluar vettingun, që marrin vendime haptazi kundër ligjit duhet të pezullohen në vend.

Kemi pasur disa raste flagrante në kohë, që nga rastet e rishikimit të dënimeve të monstrave që kanë tronditur Shqipërinë deri tek ata që kanë tjetërsuar pronat.

Po ju jap një rast sot për ilustrim. Angazhohet qeveria e Shqipërisë për të ndërtuar qendrën kombëtare të fëmijëve, me një teatër kukullash, përcaktojmë vendin këtu tek ish garda, marrim të dhënat e pronës, prona është e jonë e shteti. Bëjmë projekt japim financimin dhe cfarë ndodh? Në momentin që jemi gatim, na del që një gjykatëse ka bërë sigurim padie për një subjekt provat që i ka humbur të gjitha gjyqet me pretendimin se kjo pronë është e tija. Kjo gjykatëse e jep këtë vendim një javë para se të largohet nga vettingu. Këtu janë dy komponentë.

E para kjo gjykatëse duhet të  thërritet nga SPAK sot, sic duhet të thirren të gjithë ata që nuk e kanë kaluar vettingun. Këta njerëz dufohet të shkojnë para gjyqit, sepse kanë grabitur njerëzit. Ka të tjerë akoma që bëjnë akte të tilla. A duhet që ne ta shtyjmë nismën që këta të pezullohen automatikisht kur marrin vendime të tilla”, tha kreu i qeverisë.